Dúas vitorias e unha derrota para o Bádminton Ravachol na Coruña
Por Redacción
Sen marxe de erro queda o Club Bádminton Ravachol Pontevedra tras as tres xornadas da liga de Primeira Nacional disputadas a fin de semana nas instalacións do Club do Mar da Coruña.
O conxunto pontevedrés, que ten como obxectivo pelexar polo ascenso de categoría, asinou dúas vitorias e unha derrota e segue cuarto na táboa a 6 puntos da cabeza.
O Ravachol asinou un triunfo solvente ante o Club Universidad de Valladolid (6-1), a pesar do disputado dos partidos, e tamén venceu ante o CB Almería por 4-3. Con todo os de Jesús Pereiro deixáronse uns importantes puntos ante o CB As Neves, nun duelo decidido pola vantaxe conseguida polo seu rival nos partidos de dobres (3-4).
"Ás veces as cousas non saen como nos gustaría, durante a fin de semana fomos de máis a menos e pagámolo o domingo nun encontro importante como era o derbi contra As Neves. Toca levantarse e recuperar confianza para volver en xaneiro con máis forza. Quedan 6 enfrontamentos, 3 deles contra rivais directos da zona alta, así que imos ir a por todos", sinalou tras a xornada o preparado do equipo.
Relacionadas:
-
A Liga Nacional de bádminton desembarca en Pontevedra co Ravachol apurando as súas opcións de ascenso
Por Diego Espiño |
-
Subcampionato para Raquel Miguens no Máster Absoluto de Madrid
Por Redacción |
-
As opcións de ascenso afástanse para o Bádminton Ravachol
Por Redacción |
-
Positiva experiencia de Bádminton Pontevedra no Máster de Toledo
Por Redacción |
-
Pleno de triunfos para o Bádminton Pontevedra en Alacante
Por Redacción |