Un CGTD vestido de verde non impide a derrota do Arxil ante o Aros de León (63-78)
![](/web/cache/scene/uploads/fotos/foto/4b8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c6878d706-20190216-diegotorrado-arxil-vs-leon-10.jpg)
© Diego Torrado
![](/web/cache/scene/uploads/fotos/foto/a2c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c6878df20-20190216-diegotorrado-arxil-vs-leon-14.jpg)
© Diego Torrado
![](/web/cache/scene/uploads/fotos/foto/6f3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c6878f045-20190216-diegotorrado-arxil-vs-leon-22.jpg)
© Diego Torrado
O Arxil recibiu esta fin de semana ao Aros de León, equipo que derrotou ás pontevedresas o pasado mes de novembro en casa e que volveu conseguilo, esta vez no CGTD. As de Méndez non foron quen de aproveitar o apoio que lle brindou a súa afección este sábado (vestiu toda a bancada de verde) e superar, así, ás leonesas para facerse con dous importantes puntos e continuar distanciándose da zona de perigo.
As leonesas dominaron o partido. Xa desde o primeiro cuarto, estas superaron ás anfitrioas (12-22), que comezaron frouxas todas as facetas do xogo. Durante o seguintes dez minutos mantívose a mesma dinámica, facendo que as visitantes se fosen ao descanso cunha vantaxe de case o dobre de puntos (26-42).
Na segunda metade do choque, as de Mayte Méndez pareceron estar máis centradas. No primeiro período, lograron recortar algo de distancia con respecto aos seus rivais (levándose o cuarto: 18-12), apoiadas no acerto de Cassie Oursler para canastra (18). Con todo, non foi suficiente para darlle a volta ao partido, nin moito menos. Un último parcial de 19-24 terminou de bater ao Arxil, facendo imposible a remontada e permitindo que as de Aros levasen os dous puntos.
Tras a derrota, ás pontevedresas tócalles centrarse no partido da próxima semana ante o Barça CBS, un dos pesos pesados da categoría, para o que terán que viaxar a Cataluña. No municipal Juan Carlos Navarro, tratarán de sobrepoñerse e buscar o desquite do partido da primeira volta.
Consulta a acta do Arxil-Aros de León.
Nova derrota do Arxil ante o segundo clasificado de Feminina 2
A pesar de vertirse de verde o CGTD, as de Mayte Méndez non puideron contra o Aros de León, un dos pesos pesados da categoría
© Diego Torrado