Os deportistas do Mace Sport e Mat's levan a Galicia ao ouro no Campionato de España de taekwondo
Por Redacción
A Selección Galega de Taekwondo conseguiu a fin de semana en Alacante a primeira posición por equipos no Campionato de España Sénior de Combate, grazas en parte aos grandes resultados achegados por deportistas pontevedreses.
Un exemplo foi Sara Cortegoso (Mace Sport Pontevedra) ao conseguir revalidar o seu título de campioa de España na categoría de -46 quilos nun torneo no que foi de menos a máis. Empezou con problemas para superar en primeira rolda á balear Selena Ortega por 18-14, pero mellorou en cuartos de final contra a catalá Gloria Rodríguez (30-10), mentres que en semifinais superou á madrileña Laura Muñoz (32-20). Xa na final esperaba a manchega Ainara Pérez, nun duelo igualado no que tivo que remontar ata o 15-12 final que lle daba a medalla de ouro.
Tamén Arlet Ortiz (Mat's de Marín) levou o ouro en -57 quilos nunha competición esixente que comezou cun apurado triunfo ante a madrileña Rocío Merino (9-7) e continuou ante a catalá Andrea Bosh (10-6) e a manchega Rosa Rodríguez, número 2 do ranking nacional á que superou por 12-9. En canto á pelexa polo título, Arlet desfíxose da valenciana Tamara Miguel (13-4).
O outro oro marinense foi o Iván García (Mat's) en -87 quilos. O seu primeiro rival foi o catalán Álex Mas (14-9), mentres que na semifinal venceu ao murciano Manuel Guillén (14-9) e na gran final ao catalán Alassana Diarra (14-4).
Tamén sumaron medalla en Alacante Pablo Fernández (Mat's) ao ser prata en +87 quilos e a caldense Lúa Piñeiro (Natural Sport) cun bronce en -67 quilos.
Relacionadas:
-
Lua Piñeiro e Fernando Rascado ensinarán taekwondo en Cuntis
Por Redacción |
-
A taekwondista pontevedresa Sara Cortegoso múdase ao CAR de Barcelona
Por Manu Otero |
-
Reto mundial para Sara Cortegoso, Arlet Ortiz e Iván García en Manchester
Por Redacción |
-
Sara Cortegoso, Arlet Ortiz e Iván García selan o seu pase ao Mundial de taekwondo
Por Redacción |
-
Ángel López, pentamedallista no Campionato de Europa de Taekwondo-Praia
Por Redacción |
-
Iván García logra o bronce no Open de Turquía de Taekwondo
Por Almu Dapena |
-
Sergio Troitiño (Mat's de Marín) saca billete ao Campionato de Europa Cadete de taekwondo
Por Redacción |
-
O Mace-sport proclámase en Noia subcampión galego absoluto
Por Redacción |
-
Arlet Ortiz e Iván García proclámanse campións de Europa de taekwondo
Por Redacción |