Os granates inician a liga o 25 de agosto en Pasarón contra o Coruxo
Por Manu Otero
O Pontevedra xa coñece a folla de ruta para a próxima tempada. Este luns tivo lugar na sede da Real Federación Española de Las Rozas o sorteo do calendario para os catro grupos de Segunda B. E o azar deparou un derbi provincial para inaugurar a nova campaña. O 25 de agosto, a escuadra granate recibirá en Pasarón ao Coruxo. Non será o único partido de especial rivalidade do verán, pois na xornada seguinte os de Luismi viaxarán a Ferrol para enfrontarse, despois dun ano ausentes na categoría, ao Racing na Malata.
Logo será o filial do Sporting de Xixón o que pise o céspede de Pasarón e o terceiro derbi da primeira volta non chegará ata o 27 de outubro, cando se dispute a xornada número 10 coa visita do Pontevedra ao campo vigués de Barreiro para medirse ao Celta B, que este ano dirixen os irmáns Montes.
Os de Luismi pecharán a liga o 27 de maio en Boadilla contra o Internacional de Madrid, nas dúas xornadas previas nas que adoita estar en xogo o cumprimento dos obxectivos, o Pontevedra visitará ao Raio Majadahonda na semana 36 e recibirá ao San Sebastián de los Reyes na 37.
As pouco desexadas visitas aos arquipélagos e a Melilla quedaron repartidas ao longo de todo o curso. O primeiro voo chegará no mes de setembro con destino a Eivissa na xornada 4, mentres que na seguinte recibirá en Pasarón ao Atlético Baleares. O desprazamento a Melilla terá lugar na xornada 30, aínda que antes, na xornada 14 visitarían en Mallorca ao Pena Deportiva. A viaxe máis longa, a visita ao As Palmas Atlético, producirase en decembro coa xornada 16 en xogo.
Un dos partidos máis esperados da tempada é a visita do Real Madrid Castilla, dirixido polo histórico capitán branco, Raúl González e con xogadores que están chamados a ser as futuras estrelas do club no persoal como o xaponés Kubo. Aínda que ambos os equipos veranse as caras este verán no céspede de Baltar, o primeiro duelo en liga celebrarase en Valdebebas o 13 de outubro e o partido de volta, correspondente á xornada 27, terá lugar o 1 de marzo.
Relacionadas:
-
O porteiro andaluz Brian Jaén, sexta fichaxe do Pontevedra
Por Diego Espiño |
-
Lupe Murillo aos xogadores: "Quero que sexades un plantel de playoff e ascenso"
Por Manu Otero |
-
A composición do grupo I da Segunda B obriga ao Pontevedra a percorrer máis de 25.600 quilómetros
Por Manu Otero |
-
Confirmado: o Grupo I de 2ª B estará composto por equipos de Galicia, Asturias, Madrid, Canarias, Baleares e Melilla
Por Diego Espiño | Creada e actualizada
-
Un triangular ante Deportivo e Tenerife en Pasarón, prato forte da pretempada do Pontevedra
Por Diego Espiño |