A Subida a Pontevedra repite percorrido pola beira do Almofrei
Por Manu Otero
Os motores volverán ruxir esta fin de semana na cidade coa celebración da vixésimo segunda edición da Subida a Pontevedra que, por segundo ano consecutivo, terá a estrada que conecta Bora e Carballedo como velódromo improvisado.
A escuadra Ciudad de Pontevedra, presidida por Florentino Leiro, tivo que abandonar o habitual circuíto de Marcón pola instalación de lombos que impiden o paso de coches a toda velocidade o que permitiu á proba regresar ás súas orixes.
A cita terá lugar o sábado 20 e o domingo 21 de xullo e o parque móbil volverá estar situado na praza de España para achegar a proba, os pilotos e os coches ao gran público. A saída das dúas primeiras manga terán lugar o sábado a partir das 16 horas desde Bora.
Os pilotos percorrerán 3,5 quilómetros e medio pola estrada PO-233 que bordea o río Almofrei, para terminar na localidade que leva o seu nome. As dúas últimas mangas disputaranse o domingo desde as 9.30 horas.
"Esta proba sempre ten unha alta participación", dixo o concelleiro de deportes, Tino Fernández, durante a presentación do evento que tivo lugar este martes no Concello. E o presidente da escuadra organizadora confirmouno, aínda que o prazo de inscricións está aínda aberto.
"Esperamos sobre 60 ou 70 vehículos", dixo Leiro. E entre eles estará o principal favorito a revalidar o Campionato Galego de Montaña, Alexis Viéitez.
Desde a organización esperan a presenza de numerosos espectadores, polo que fan un chamamento á prudencia e piden que respecten as medidas de seguridade e se colóquen nas zonas habilitadas para o público.
Relacionadas:
-
A Subida Cidade de Pontevedra estudia so seu traslado ao Pontillón en 2023
Por Manu Otero |
-
A Subida a Ponte Caldelas chega á súa cuarta edición consolidada no calendario
Por Redacción |
-
Alexis Viéitez consegue un novo coche e apunta á Subida A Pontenova
Por Diego Espiño |
-
Revolución na Subida Cidade de Pontevedra cun novo trazado entre Bora e Cotobade
Por Alejandro Espiño |