España cae por penaltis ante Alemaña e finaliza o Mundial Júnior de balonmán na décima praza
Por Redacción & Diego Torrado
A Selección Española non puido despedirse con vitoria de Pontevedra e do Mundial Júnior de Balonmán, que finaliza na décima posición.
Tras a súa eliminación ante Francia o mércores, nun choque que se decidiu na última xogada, os Hispanos Júnior volvían saltar este xoves á pista do Pavillón Municipal dos Deportes de Pontevedra para xogar o encontro pola novena praza contra outra das potencias caídas en oitavos de final, Alemaña.
O pau do día anterior sufrido por ambos os dous equipos, que caeron en partidos tremendamente competidos, fíxose notar na intensidade do xogo, que foi menor que nos cruces eliminatorios. A pesar diso puido verse un notable partido.
España comezou o choque cunha fluidez na parcela ofensiva que lle valía para tomar a iniciativa ante a forte defensa xermana. Foi o guión dun primeiro tempo que concluíu cun 15-13 no luminoso.
Os de Isidoro Martínez abriron algo máis de vantaxe tras o intermedio, pero Alemaña reaccionou e puxo a igualada antes de chegar ao ecuador do segundo tempo. Converteuse o xogo nunha sucesión de alternativas, e os Hispanos grazas a unha serie de contragolpes conducidos Natan Suárez conseguiron un parcial de 3-0.
O seleccionador alemán, Martin Heuberger, pediu tempo morto e conseguiu non só frear aos anfitrións, senón forzar o empate (23-23) e a quenda de penaltis, que favoreceu a Alemaña por 5-6 para quedar o noveno posto do campionato.
Relacionadas:
-
O Mundial Junior de balonmán celebrado en Pontevedra, todo un éxito organizativo e mediático segundo a Federación
Por Almu Dapena |
-
Francia gaña o Mundial Júnior de balonmán ao derrotar a Croacia
Por Sofía Lorenzo |
-
Francia ou Croacia, só un pode ser o mellor do mundo
Por Sofía Lorenzo & Diego Torrado |
-
Francia vence a Dinamarca nunha final anticipada do Mundial Júnior e plántase en semifinais
Por Diego Espiño & Diego Torrado |
-
Portugal elimina a Alemaña na prórroga e Dinamarca sofre diante de Hungría
Por Manu Otero |
-
España afúndese na última xogada despois de romontar seis goles a Francia
Por Manu Otero & Cristina Saiz |
-
Rouban equipos de 30.000 e 50.000 euros a dous fotógrafos internacionais que cobren o Mundial de Balonmán
Por Natalia Puga |
-
España cae ante Eslovenia e xogará os oitavos de final do Mundial Júnior de balonmán contra Francia
Por Redacción |