Francia gaña o Mundial Júnior de balonmán ao derrotar a Croacia
Por Sofía Lorenzo
O Mundial Júnior de Balonmán chegou ao seu fin. Este domingo disputáronse os últimos partidos da competición, nos que se definiron os postos máis altos da mesma. Francia proclamouse, no pavillón As Travesas de Vigo, campión do Mundo despois de derrotar a Croacia cun resultado de 28-23.
A selección francesa comezou xa gañando na primeira metade do choque, índose ao descanso cunha renda ao seu favor de cinco goles (15-10). Coa continuación, trataron os croatas de recortar distancias e, apoiados na eficiencia anotadora de Josip Sarac case o conseguen. Con todo, un moi bo labor ofensivo de, sobre todo, Benjamin Richert, impediullo, finalizando campións os franceses co título de mellores do mundo.
Ademais da gran final, a pista viguesa tamén acolleu, de mañá, o cruzamento definitivo para establecer a terceira e cuarta posición. Medíronse Exipto e Portugal, despois de perder ante Francia e Croacia, respectivamente. Os primeiros fóronse xa por diante ao tempo de descanso e, aínda que a renda non era demasiado ampla (17-15), a balanza parecía decantarse cara ao bando exipcio. Durante o segundo tempo de xogo terminou de ser así. Os portugueses comezaron a perder distancia e a deixar escapar o partido, terminando por ser derrotados cunha deventaja de dez goles (37-27). Desta forma, Exipto leva a medalla de bronce do Mundial.
No referente aos choques entre as seleccións derrotadas en cuartos, ás 9:00 horas disputouse o Noruega-Tunez, e, tras conseguir o segundo derrotar pola mínima aos nórdicos (36-37), terminou o seu paso polo Mundial na sétima praza, sendo a oitava para os escandinavos. A continuación, tivo lugar o partido entre Dinamarca e Eslovenia pola quinta posición, sendo, finalmente, esta para os primeiros, que exerceron un duro correctivo sobre os eslovenos (34-26).
Relacionadas:
-
O Mundial Junior de balonmán celebrado en Pontevedra, todo un éxito organizativo e mediático segundo a Federación
Por Almu Dapena |
-
Francia ou Croacia, só un pode ser o mellor do mundo
Por Sofía Lorenzo & Diego Torrado |
-
Francia vence a Dinamarca nunha final anticipada do Mundial Júnior e plántase en semifinais
Por Diego Espiño & Diego Torrado |
-
España cae por penaltis ante Alemaña e finaliza o Mundial Júnior de balonmán na décima praza
Por Redacción & Diego Torrado |
-
Portugal elimina a Alemaña na prórroga e Dinamarca sofre diante de Hungría
Por Manu Otero |
-
España afúndese na última xogada despois de romontar seis goles a Francia
Por Manu Otero & Cristina Saiz |