![](/web/cache/scene/uploads/fotos/foto/15c/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5704ee89cf-20160405-patxot-campeonato-provincial-escolar-taekwondo-060.jpg)
© Mónica Patxot
Miguel Cortegoso, do Mace Sport, é o novo director do Comité de Exhibicións de Taekwondo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Real Federación Española de Taekwondo nomea ao presidente do Mace Sport, Miguel Cortegoso, director do comité de exhibición da máxima institución deste deporte en España.
Nunha carta remitida a Cortegoso, o presidente Jesús Castellanos pon en valor o traballo realizado polo club pontevedrés e pola súa canteira, polo que esperan que o dirixente do equipo lerezano acepte un cargo pensado para a xestión do regulamento e os calendarios das exhibicións de taekwondo a nivel nacional.
O comité nacional de exhibición quedaría formado tamén por Miguel Meilán, Noelia Pérez, Miguel Cuevas e Javier Sieira, que xa mantiveron unha primeira toma de contacto no último campionato de España celebrado na cidade do Lérez.