O Arosa, novo membro da Asemblea da RFEF
Por Redacción
O fútbol galego contará con novos representantes na Asemblea Xeral da Real Federación Española de Fútbol (RFEF), principal órgano de decisión do balompé nacional.
Un deles será o Arosa, como representante xunto ao Bergantiños dos clubs autonómicos non profesionais. Ambas as entidades, xunto ao futbolista Sergio Santos, formaban parte da candidatura presentada pola Real Federación Galega de Fútbol e que logrou unha ampla maioría de apoios dos 31 clubs que tiñan dereito a voto.
Nas súas categorías ademais non se presentou ningunha candidatura alternativa, polo que o seu nomeamento pasa a ser xa efectivo.
O fútbol galego ten asegurada ademais a presenza na Asemblea federativa por medio do CD Lugo no fútbol profesional, o Burela FS no fútbol sala e o colexiado ourensán José Antonio Fernández Rodríguez, ademais do propio presidente da Federación Galega, Rafael Louzán.
Precisamente o dirixente autonómico valorou "moi positivamente" que estes nomeamentos "saísen adiante sen necesidade de pasar por eleccións" ao ser un reflexo da "unión do noso fútbol".
Nas eleccións ademais aspiran a conseguir un asento na Asemblea os adestradores Manuel Mosquera en fútbol e Juanma Marrube en fútbol sala e a xogadora Patricia González Mota 'Peque', do Burela FS.
Relacionadas:
-
Rafa Sáez e o Arosa volverano tentar xuntos
Por Redacción |
-
O Arosa, a dous partidos do ascenso
Por Almu Dapena |
-
Louzán abre a posibilidade de xogar con público a final polo ascenso a Segunda B
Por Diego Espiño |
-
Rafa Sáez: "La afición está muy volcada, la gente pregunta por las calles, habla y contagia a todo el equipo"
Por Almu Dapena |
-
Pacho Oliveira, novo director deportivo da base no Arosa
Por Redacción |
-
Sen positivos na rolda de test realizada a Arousa, Leis e O Fisgón
Por Redacción |
-
Oficial: O Arosa xogará o ascenso a Segunda B no estadio vigués de Balaídos
Por Redacción |