Primeira posición para o Ciudad de Pontevedra no Descenso Internacional do Miño
Por Redacción
Este sábado celebrouse en Tui o Descenso Internacional do Río Miño, edición que estivo marcada polos protocolos sanitarios que non permitiron facer o formato de saída de anos anteriores, tendo que facer saídas lanzadas desde a auga.
Así mesmo, para facilitar que non houbese aglomeracións, a regata dividiuse en 2 saídas, unha saída ás 11:00 horas para cadetes e veteranos, e outra saída ás 18:00 horas para os xuvenís e senior, onde os padeeiros pontevedreses conseguiron grandes resultados.
Na saída da mañá, Manuel Iglesias fíxose coa terceira posición na categoría veterano C1 e David Barreiro e Noé quedaron campións en cadete C2, sendo estas a únicas medalla que obtivo o club durante a xornada de mañá.
Pola tarde, a primeira medalla chegou das mans Andrés e Pedro, que obtiveron boa terceira posición en xuvenil K2, mentres que Noel Martínez chegou aos poucos minutos e para conseguir a medalla de prata en xuvenil K1.
En xuvenil C1 subiron ao podio Martín Jácome e Rodrigo Villaverde, que quedaron en primeira e segunda posición respectivamente. Pablo Crespo e Diego Piñeiro obtiveron a terceira en C2.
En canto aos resultados da categoría xuvenil feminina, Ángela Jorge e Claudia Couto conseguiron unha primeira e unha terceira posición respectivamente en C1 e xa na categoría senior, o Ciudad de Pontevedra obtivo dúas pratas da man de Álvaro e Jaime en C2 e un ouro de María de la Pena en C1.
En canto ás clasificacións por equipos o Ciudad de Pontevedra logrou a primeira posición con 1783 puntos, por diante do Olívico e do club As Torres.
Relacionadas:
-
A EP Ciudad de Pontevedra, segunda no Descenso Internacional do Miño
Por Redacción |
-
Verducido acolle esta fin de semana o campionato galego de novas promesas
Por Redacción |
-
Punto e final ao Campionato Galego de Verducido con claro dominio do Ciudad de Pontevedra
Por Almu Dapena & Cristina Saiz |
-
O Ciudad de Pontevedra triunfa no Campionato Galego Sprint de piragüismo júnior
Por Cristina Saiz & Almu Dapena |