Ramón Fernández, o mellor do Froiz no Memorial Valenciaga cun noveno posto
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Case un mes despois, o Grupo Deportivo Supermercados Froiz regresou á estrada para disputar a 50 edición do Memorial Valenciaga, enmarcado dentro da Copa de España Elite e Sub-23 de ciclismo. A escuadra alimenticia pechou a súa participación co noveno posto de Ramón Fernández.
Pasada por auga e cunhas condicións meteorolóxicas desastrosas, Nicolás Antorena levaba o sprint especial de Deba, pero todos foron neutralizados. Pablo Alonso escapábase nun grupo de catro con Vicente Hernáiz (Eolo Kometa), Eugenio Sánchez (Lizarte) e Timo de Jong (Telco) en persecución da cabeza de carreira, e a falta de 50 quilómetros para a chegada á meta, o cuarteto alcanzou aos tres escapados, o ciclistas do filial Caixa Rural-Seguros RGA, Marc Brustenga e Mikel Mújica, e a Joseba López do Grupo Eulen.
Xa a 43 quilómetros do final, os sete que ían na cabeza foron cazados e producíronse os primeiros ataques, botando abaixo unha escapada que se decidiu finalmente na ascensión a San Miguel a falta de 9 quilómetros para a meta. Nese momento, os ciclistas do Lizarte impuxéronse con claridade, con Pau Miguel na cabeza, seguido de Igor Arrieta.
O mellor do Froiz foi Ramón Fernández, que escalou postos ata acabar en novena posición, a 2:39 do líder. Pablo Alonso, que chegaba á proba en quinta posición da xeral, finalizou no posto 30.
Tras a celebración das dúas primeiras probas da Copa de España, o Supermercados Froiz descende á oitava posición na xeral por equipos.
A seguinte etapa do circuíto nacional elite- sub23 de estrada celebrarase o 18 de abril coa 37 Clásica Cidade de Torredonjimeno.
Relacionadas:
-
Supermercados Froiz e Farto, pendentes da Copa de España
Por Redacción |
-
O Froiz recupera o pulso da Copa de España cun noveno posto de Pablo Alonso en Torredonjimeno
Por Redacción |
-
Este ano, si. O Supermercados Froiz vai pola Copa de España
Por Manu Otero & Mónica Patxot |
-
O Memorial Valenciaga reactiva a Copa de España de ciclismo medindo as opcións do Froiz
Por Redacción |
-
Pablo Alonso, do Supermercados Froiz, presenta a súa candidatura ao título na Copa de España
Por Redacción |
-
O Froiz e unha vella aspiración, a Copa de España Elite e Sub-23
Por Redacción |