Príncipe Felipe, escenario por segunda vez este curso dunha concentración da Superdivisión de tenis de mesa
Por Redacción
Momento importante da tempada para o Tenis de Mesa Monte Porreiro na Superdivisión masculina.
Despois dun positivo inicio de competición, os pontevedreses teñen a oportunidade de afastarse do descenso e pensar en obxectivos máis ambiciosos no tramo final de liga, pero para iso deberán sumar na segunda concentración da liga que organizará como locais.
De novo o pavillón da Cidade Infantil Príncipe Felipe acollerá unha das concentracións da competición, aglutinando varias xornadas nunha fin de semana e con presenza dun cartel de luxo, e é que xunto aos pontevedreses (cuartos da táboa con 6 puntos) estará presente o líder, o Borges de Lleida, e tamén o Arteal de Santiago (terceiro con 7 puntos), o ADTM Leganés (pechacancelas con 0 puntos) e San Sebastián de los Reyes (segundo con 8 puntos).
A competición desenrolarase durante o sábado 8 e o domingo 9 de maio, empezando o primeiro día cun encontro entre o Visit Pontevedra Monte Porreiro ante o Arteal santiagués (11.00 horas), ademais do Asisa Borges Vall- ADTM Leganés, e en xornada de tarde o Borges-San Sebastián de los Reyes e o Arteal-Leganés. En canto ao domingo 9 de maio o Monte Porreiro medirase co líder Borges (11.00 horas) e o Arteal co San Sebastián de los Reyes.
Relacionadas:
-
Empate e derrota do TM Monte Porreiro que segue metido na loita pola permanencia
Por Redacción |
-
O Tenis de Mesa Monte Porreiro rasca un valioso empate nunha complicada concentración da Superdivisión
Por Redacción |
-
O Tenis de Mesa Monte Porreiro presume de título na Primeira Nacional Feminina
Por Redacción |
-
Unha vitoria e un empate para o TM Monte Porreiro na Superdivisión
Por Redacción & Cristina Saiz |
-
O Tenis de Mesa Monte Porreiro rompe teitos
Por Manu Otero |
-
Unha vitoria e unha derrota para o TM Monte Porreiro na segunda xornada ligueira
Por Cristina Saiz & Redacción |