Antía Jácome avanza a semifinais na súa estrea nos Xogos Olímpicos
Por Diego Espiño
Con paso firme. Así se estreou este mércores Antía Jácome nos Xogos Olímpicos de Tokyo, na que é a súa primeira experiencia olímpica.
A padexeira pontevedresa está xa entre as 16 mellores do C-1 200 metros tras avanzar a semifinais previo paso polas series clasificatorias e os cuartos de final.
Jácome comezou participando na primeira serie da xornada, unha quenda na que non puido lograr o pase directo a semifinais (pasaban as dúas primeiras) ao ser terceira cun tempo 46.691, sendo superada pola ucraína Liudmyla Luzan (45.571) e a chinesa Wenjun Lin (46.449).
Había que pasar por tanto polos cuartos de final para seguir en competición, pero polo menos a deportista da EP Ciudad de Pontevedra xa se tiña desposuído dos nervios do debut.
Así, en cuartos de final mellorou notablemente o seu rexistro para vencer a súa quenda cun 45.668, o cuarto mellor tempo de toda a xornada no C-1 200, facéndose desa forma cun dos dous postos de acceso á seguinte rolda xunto á chilena Maria Mailliard (46.122).
Antía Jácome gañou agora o dereito para soñar e a buscar un oco na loita polas medallas. Para iso deberá ser unha do catro máis rápidas nunha semifinal que terá lugar este xoves 5 ás 2.44 horas en España. De conseguilo, estaría na final dese mesmo día ás 4.43 horas.
Relacionadas:
-
"Sodes un orgullo, un bo exemplo e un modelo a imitar en todos os ámbitos da vida"
Por Manu Otero & Mónica Patxot |
-
Antía Jácome: "Non perdín unha medalla, senón que gañei un quinto posto e estou moi contenta"
Por Diego Espiño |
-
Diploma olímpico para Antía Jácome cun brillante quinto posto no C-1 200 metros
Por Diego Espiño |
-
Teresa Portela e Antía Jácome contan as horas para participar nos Xogos Olímpicos
Por Almu Dapena |
-
Antía Jácome asina a clasificación olímpica máis emotiva
Por Manu Otero & Mónica Patxot |