Organizan o primeiro Trofeo Nadal de halterofilia en Pontevedra
Por Redacción
As instalacións de Crossfit Pontevedra, na Avenida de Lugo, serán escenario o vindeiro sábado 11 de decembro do I Trofeo Nadal de halterofilia de Pontevedra.
A cita está organizada polo Club de Halterofilia Rías Baixas, entidade deportiva fundada en 2014 para fomentar este deporte na cidade desde as categorías de base.
O I Trofeo Nadal dará comezo ás 16.00 horas, continuando ás 17.15 horas coas categorías de técnica para a base e finalizando ás 17.45 horas coa competición masculina.
Á súa conclusión a organización convidará a un aperitivo a todos os participantes e público asistente.