O campo de fútbol Manolo Barreiro, de novo en obras, denuncia o PP
Por Redacción
Creada e actualizada
Creada e actualizada
O campo de fútbol A Xunqueira II, do complexo deportivo municipal Manolo Barreiro, seguirá pechado en pleno tramo final da tempada como consecuencia das obras de renovación do céspede artificial. Denuncia o responsable de Deportes do Partido Popular, Guille Juncal, que o Concello "non ten plan, nin proxecto, nin previsión algunha que guíe o seu traballo”.
Critica o popular que, "debido á mala execución das obras" nin a oposición nin os clubs afectados "sabemos cando se vai a poder inaugurar a instalación, prevéndose a súa reapertura o pasado febreiro”.
Os traballos comezaron no mes de novembro do 2021, momento na que desde o grupo popular solicitaran que se acometesen a final de tempada para non entorpecer os adestramentos e competicións que se realizan na instalación. “Desgraciadamente a nosa previsión cumpriuse", lamenta.
Neste sentido, Juncal referiuse a Fernández como “un concelleiro que goberna ao día. Non estuda as posibles consecuencias dos seus actos, nin pondera os proles e contras de actuacións tan importantes como esta, sendo os clubs e o deporte local sempre o damnificado das súas ocorrencias”, rematou.
Ao paso destas acusacións saíu o concelleiro de Deportes, Tino Fernández, para explicar que "se están facendo reparacións porque había problemas de encharcamento nalgunha zona".
Con todo, puntualizan desde o goberno local que "o campo non é que estea pechado, senón que aínda non se recibiu porque non se chegou a terminar a obra". O contrato establece que a empresa adxudicataria debe dotar á instalación dun novo marcador que aínda non chegou "por falta de subministracións", explica o edil.
Por iso, aproveitaron esta espera para "mellorar unhas zonas onde a drenaxe non estaba a funcionar todo o ben que debería, pero non hai ningún peche do campo", insiste Fernández.
Relacionadas:
-
O PP pide a dimisión do concelleiro Demetrio Gómez polo atraso de obras e proxectos municipais
Por Diana Eiras & Anxo Lourido |
-
Un mes máis de prazo para culminar a reposición do céspede artificial dun dos campos da Xunqueira
Por Redacción |
-
Luns 29 de novembro, data de inicio para a reforma do segundo campo de fútbol da Xunqueira
Por Redacción |