Convocan as axudas para as escolas deportivas municipais da tempada 2022-2023
Por Redacción
Uns 250.000 euros destinará o Concello de Pontevedra ás subvencións das escolas deportivas municipais da tempada 2022-2023. A convocatoria destas axudas e as bases que regulan a súa concesión foron aprobadas este luns pola Xunta de Goberno.
Estas subvencións, como é habitual, repártense en tres apartados. Haberá 205.000 euros para as escolas deportivas orientadas á poboación escolar, 30.000 euros para as escolas deportivas no rural e 15.000 euros para as escolas para grupos especiais.
O edil de Deportes, Tino Fernández destacou que "moi poucas cidades" teñen unha oferta "coa variedade e calidade deportiva" de Pontevedra, algo que achacou ao traballo "fundamental e desinteresado" dos clubs e da "masa crítica" que o demanda.
Ademais destas axudas, o goberno municipal segue traballando para poñerse ao día coas axudas directas aos clubs. Así, en próximas semanas, convocarase a subvención anual de 300.000 euros correspondente á tempada 2020-2021.
Esta subvención pagarase, segundo Fernández, "sobre novembro e decembro", o que permitirá que "case esteamos ao día despois duns anos de atraso".
Ao longo de 2023, engadiu o responsable municipal de Deportes, os clubs cobrarán outras dúas subvencións, as correspondentes ás tempadas 2021-2022 e 2022-2023, o que definitivamente acabará coas demoras nos pagos destas axudas.
Relacionadas:
-
A Xunta entrega material deportivo valorado en 160.000 euros a máis de 30 entidades deportivas de Pontevedra
Por Redacción |
-
O prazo de preinscrición para as Escolas Deportivas Municipais abrirá o 15 de setembro
Por Redacción |
-
A Deputación agradece aos clubs de elite masculinos da provincia o seu "esforzo e compromiso"
Por Redacción |
-
"Acto de recoñecemento, admiración e agradecemento" na Deputación aos clubs femininos de elite
Por Redacción |
-
Os clubs deportivos de Pontevedra xa poden solicitar as subvencións municipais do ano 2020
Por Redacción |