Unha xogada que marcou un partido: Así xustificou o árbitro o penalti e expulsión decisivos fronte ao Talavera
Por Diego Espiño
A goleada do Pontevedra ao Talavera no Estadio Municipal de Pasarón, na terceira xornada de liga de Primeira RFEF, estivo sen ningunha dúbida marcada por unha acción, o penalti e expulsión que supuxo o primeiro tanto granate.
Corría o minuto 17 cando Oier Calvillo recibiá un balón en profundidade adiantándose ao seu defensor, cruzábase diante del e era derrubado claramente caendo dentro da área. O colexiado, o asturiano Francisco García Risco, sinalaba o punto de penalti e mostraba a tarxeta vermella ao visitante Ander Gayoso.
Ademais de por o feito de que o primeiro contacto semella producirse con claridade fóra da área, o castigo colleu a moitos afeccionados por sorpresa pensanso no cambio de normativa que leva nos últimos anos, ao sinalar penalti, a mostrar unha simple amarela para evitar un castigo excesivo sempre que a infracción se produza co balón dividido. A área de feito marca a cor da amoestación. Así, se a mesma xogada fose decretada fóra da zona de meta si sería procedente mostrar unha vermella sempre que se trate dunha ocasión manifesta de gol.
En todo caso, o árbitro xustificou na acta posterior que o motivo da expulsión foi "empuxar a un adversario co brazo por detrás, evitando con iso unha ocasión manifesta de gol, sen opción de disputar o balón". Esta última apostila, "sen opción a disputar o balón", é a que resulta decisiva á hora de entender o castigo final.
Polémica das boas, que daría para encher minutos e minutos de televisión de tratarse da Primeira División, e que a conta especializada en arbitraxes Mr. Asubío explicou da seguinte maneira.
@MrAsubio: Estou dacordo no disciplinario, coido que Gayoso o único propósito que ten no lance e ir a derribar a Calvillo polas súas costas (sin opción de desputa de balón) evitando unha manifesta ocasión de gol. Érrase na reanudación, o contacto que fai caer a... pic.twitter.com/1S4lN50NnQ
— Mr. Asubío (@MrAsubio) September 11, 2022
Relacionadas:
-
O adestrador do Deportivo, Borja Jiménez, cre que o Pontevedra "non ten nada que ver cun recentemente ascendido"
Por Diego Espiño |
-
Antonio Fernández: "Gustaríame ver ao meu equipo o domingo con personalidade en Riazor"
Por Diego Espiño |
-
A venda de entradas para apoiar ao Pontevedra en Riazor, 'a toda vela'
Por Diego Espiño |
-
Diego Villares espera un Pontevedra que "non nos vai a poñer as cousas nada fáciles"
Por Diego Espiño |
-
Churre prognostica un Pontevedra sen complexos en Riazor: "Podemos competir alí"
Por Diego Espiño |
-
Charles, un goleador de 'categoría'
Por Diego Espiño |
-
A 'Marea Granate', disposta a desembarcar en Riazor
Por Diego Espiño |
-
Antonio Fernández, contundente tras a vitoria do Pontevedra: "O de hoxe non me gustou, hai que ser autocrítico"
Por Almu Dapena & Mónica Patxot |
-
Un penalti dubidoso e unha expulsión catapultan ao Pontevedra cara á vitoria ante o Talavera (3-0)
Por Almu Dapena & Mónica Patxot |