Grupo Lirón, novo patrocinador principal do Teucro
Por Diego Espiño
A Sociedad Deportiva Teucro, que a nivel deportivo prepárase para iniciar o sábado a nova tempada na Primeira Nacional, presentou este mércores a un novo socio no camiño que lle espera para tentar rexurdir das súas cinzas.
Trátase de Grupo Lirón, empresa dedicada á fabricación de colchóns e que se incopora como novo patrocinador principal do primeiro equipo teucrista.
"É un club con historia, que está a pasar un mal momento, pero creo que entre todos podemos axudar a que volva ao sitio que se merece", sinalou na presentación de acordo un dos representantes da firma, Alberto Pérez.
O patrocinio afectará ademais á denominación do equipo, que pasa a chamarse Lirón-Teucro.
No acto o vicedecano do balonmán nacional aproveitou para presentar as súas equipacións para a próxima tempada, xa co novo logotipo no frontal, e que están "inspiradas nas da tempada 75-76", explicou Óscar Paredes, membro da xunta xestora teucrista, sobre unhas camisetas que serán azuis case na súa totalidade na primeira equipación cunha segunda de cor laranxa.
Relacionadas:
-
O Teucro, en caída libre (32-20)
Por Redacción |
-
O Teucro non levanta cabeza (25-30)
Por Redacción |
-
O Teucro queda na casa: suspenden o seu partido en Canarias polo temporal
Por Redacción |
-
O Teucro comeza costa arriba a tempada (31-33)
Por Redacción & Cristina Saiz |
-
O Teucro centra a súa campaña de socios en recuperar a masa social perdida
Por Redacción |
-
Triunfo do Teucro no seu primeiro amigable da pretempada
Por Redacción |
-
O Teucro de Primeira Nacional ponse en marcha co reto de rexurdir das súas cinzas
Por Redacción |