![](/web/cache/scene/uploads/fotos/foto/4cc/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/62654c78dd-20220424-pabellon-municipal-cisne-juvenil-ademas-fase-final-006.jpg)
© Cristina Saiz
Malas novas para o Cisne e para Marko Ojeda, ao confirmarse a rotura do ligamento cruzado do seu xeonllo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As lesións volven cebarse co Club Cisne Balonmán, que perde a un dos seus novos talentos para practicamente toda a tempada.
O club pontevedrés confirmou este mércores que a lesión de Marko Ojeda é de gravidade, e é que a renonancia magnética á que foi sometido revela que sofre unha rotura do ligamento cruzado do seu xeonllo dereito.
Iso supón para o xove primeira liña un período estimado de baixa de entre seis e oito meses unha vez pase polo quirófano, unha intervención necesaria para a súa recuperación e que se programará en próximas datas.
Ojeda afrontaba con ilusión a que ía ser a súa tempada de debut na Liga Asobal, pero os problemas no seu xeonllo impedíronlle sequera chegar a estrearse na máxima categoría nas primeiras xornadas de liga.