De xogar co cadete do Cisne a debutar na Liga Asobal con só 16 anos
Por Diego Espiño
A aposta pola canteira do Club Cisne Balonmán non é unha acción para a galería. Así o demostrou o club pontevedrés ao longo dos últimos anos, dando a alternativa a un bo número de talentos, principalmente galegos, e ofrecéndolles a oportunidade de curtirse na elite medíndose aos mellores equipos do país.
Ademais dos resultados das súas categorías inferiores, iso traduciuse coa constante ascensión de xogadores ao primeiro equipo. Algúns como Álvaro Preciado ou Virulegio xa non están ao probar sorte noutros equipos da máxima categoría, algúns están asentados no plantel cisneísta e outros empezan a asomar a cabeza.
É o caso de dous xogadores que, con só 16 anos, viviron no choque contra o Granollers os seus primeiros minutos na Liga Asobal.
Trátase do pivote pontevedrés Manu Lorenzo e do central Xoán Fernández, e que pasaron en apenas uns meses de xogar a fase final do Campionato de España Cadete, á que accedeu o Cisne como un dos oito mellores equipos do país, a relacionarse coa elite do balonmán nacional.
Debut en @ASOBAL con tan solo 16 años de Manuel Lorenzo
— Club Cisne Balonmano (@ClubCisneBalonm) October 2, 2022
¡Quédense con este nombre, ya que dará mucho que hablar! #SomosCisne #OrgullososdoNoso pic.twitter.com/owiMesUqEe
Hoy no solo pudimos ver el debut de Manu Lorenzo, el también juvenil Xoán Fernández de 16 años, fue otro de los que disfrutó de sus primeros minutos en @ASOBAL ¡Enhorabuena a ambos, el futuro de nuestro Club está en su cantera! #SomosCisne #OrgullososdoNoso pic.twitter.com/F1NuQiP4oX
— Club Cisne Balonmano (@ClubCisneBalonm) October 2, 2022
As estatísticas do seu debut pouco importan. De feito ningún dos dous chegou a anotar un tanto, pero son só os primeiros compases dunha carreira que todos esperan sexa longa e con moitas alegrías. Iso será en todo caso ao seu debido tempo. Por agora ante as baixas existentes no primeiro equipo puideron asomar a cabeza e empezar a mostrarse. O demais xa irá chegando, porque se algo demostrou o Cisne é que non lle treme o pulso á hora de apostar polos mozos. Toda unha garantía de futuro.
Relacionadas:
-
Os Hispanos Xuvenís convocan o cisneísta Manu Lorenzo
Por Diego Espiño |
-
O pivote Manu Lorenzo, convocado pola Selección Española Xuvenil para xogar o Torneo Scandibérico
Por Redacción |
-
O equipo xuvenil do Cisne, ao asalto un ano máis do Campionato de España
Por Redacción |
-
O Cisne recibirá ao Puente Genil na segunda rolda da Copa do Rei
Por Manu Otero |
-
Xesta do Cisne en Cuenca para sumar o seu terceiro triunfo da tempada (28-30)
Por Diego Espiño |
-
Complicada saída a Cuenca para un Cisne curto de efectivos
Por Redacción |
-
Álex Chan roza o MVP de setembro na Liga Asobal
Por Diego Espiño |
-
Ao Cisne escápanselle os primeiros puntos no seu feudo ante un demoledor Granollers (29-35)
Por Almu Dapena |