O Galaico, a un paso de tocar podio no Campionato de España Infantil de Natación
Por Redacción
A menos de dúas décimas de pisar o podio quedou o Club Natación Galaico no Campionato de España Infantil celebrado durante a fin de semana na localidade catalá de Sabadell.
Sete deportistas representaron o club pontevedrés na cita nacional, sendo o resultado máis destacado o conseguido por Sofía Barros ao ser cuarta na proba de 200 Libre, cun tempo de 2.08.58 co que rozou o podio e que supón a súa mellor marca persoal.
Sofía foi finalista ademais nos 800 Libre (sétima), 1.500 Libre (sétima) e 400 Libre (sexta).
Pola súa banda Mara Vidal, no seu primeiro campionato de España de verán, logrou a 13ª posición no 1.500 Libre en categoría 13 anos, mentres que a súa compañeira Gisèle Rocha clasificou na 16ª posición na categoría de 14 anos na mesma proba.
Tamén competiron en Sabadell, con boas sensacións para o equipo, Olivier Rocha, Iker Pérez, Alba Castro e Pedro Barros.
O Galaico competiu ademais na remuda 4x100 Mixto con Mara Vidal, Olivier Rocha, Pedro Barros e Sofía Barros.
Relacionadas:
-
Novembro con 'n' de natación na piscina de Pontemuíños
Por Redacción |
-
Alicia Bouzas colga un bronce no Campionato de España de Natación
Por Redacción |
-
O CN Galaico exhibe músculo no autonómico absoluto e júnior de verán
Por Redacción |
-
O CN Galaico brilla no regreso das competicións á piscina de Rías do Sur
Por Redacción |
-
Medalla de prata para Alicia Bouzas no Open de Mallorca
Por Redacción |