Actuación estelar do Cisne ante o Villa de Aranda (17-25)
Por Almu Dapena
O Club Cisne Balonmán quería regresar á senda da vitoria e fíxoo con moita solvencia ante un Villa de Aranda que se apagou a partir do minuto 19 do primeiro tempo. Os brancos foron moi superiores grazas ao gardameta Franzini, que cunha gran actuación baixo paus descolocou por completo o ataque dun rival que quedou sen ideas (17-25).
Igual que ocorreu ante o Málaga a pasada xornada, o cadro pontevedrés volveu ter problemas para portería ao comezo do encontro, cometendo imprecisións na súa ofensiva que se traducían nunha baixa porcentaxe anotadora. Con todo, a falta de acerto en ataque por parte dos brancos era similar á do Villa de Aranda e ningún dos dous equipos era capaz de tomar as rendas do marcador.
A partir do minuto 19 todo cambiou e chegou o espertar do Cisne. Franzini intevino baixo paus, Dani Serrano anotou e os de Jabato subiron a vantaxe a dous goles, a máxima ata o momento (7-9).
Parou o cronómetro Javier Márquez, pero os seus non conseguiron reaccionar e nos últimos instantes do primeiro tempo o Cisne ampliou o colchón ata os tres goles de distancia cos que se chegou o intermedio (9-12).
Comezou o segundo tempo da mesma forma que a primeira: erros en ataque dos dous equipos e protagonismo dos paus e os gardametas, que impedían que o marcador se movese ata alcanzados os tres minutos de xogo.
Pero foi o cadro pontevedrés o que saíu máis #elevado e apoiado en Franzini, fixo un parcial de 1-3 co que aumentou a renda dos seus en cinco goles (10-15).
O porteiro cisneísta estaba a ser imperial baixo paus e detíñaas de todas as formas, Diego López e Rubén Etayo seguían elevando a diferenza, e o Villa de Aranda metíase en problemas ao non atopar a maneira de superar o muro construído na portería lerezana (11-17).
Saltaron as alarmas no banco local, Javier Márquez pediu tempo morto, pero o Cisne tirou de experiencia e continuou facendo das súas para chegar aos últimos 10 minutos de partido cunha vantaxe de oito goles xa imposible de igualar.
O peixe xa estaba vendido e os de Burgos tentaron resistir da mellor maneira a arremetida dos brancos, que se fixeron finalmente co triunfo por un avultado e merecido 17-25.
Consulta as estatísticas nesta ligazón
Relacionadas:
-
Derrota en Alacante dun Cisne que perdoou en exceso (31-28)
Por Almu Dapena |
-
O Cisne acaba coa resistencia do Handbol Mallorca na segunda metade (30-23)
Por Redacción |
-
O Cisne ve cortada a súa progresión en Eivissa nun apertado partido (31-30)
Por Redacción |
-
O Cisne afronta unha das semanas máis esixentes con tres partidos en sete días
Por Almu Dapena |
-
Cisne-Alcobendas: Unha vitoria con demasiado suspense (28-27)
Por Almu Dapena & Cristina Saiz |
-
O Cisne e Javier Márquez reencóntranse este sábado
Por Redacción |
-
Cisne e Málaga selan un empate tras un duelo que gañaron as defensas (20-20)
Por Almu Dapena & Cristina Saiz |
-
O pechacancelas Zamora convértese no pesadelo de Samáin do Cisne (29-28)
Por Almu Dapena |
-
Regreso a casa do Cisne cun importante triunfo ante Agustinos (28-24)
Por Almu Dapena & Cristina Saiz |