E a Xunta rectificou e ampliará Montecelo despois de perder sete anos
Por Oskar Viéitez
Sete anos, ese é o tempo que perdeu a sanidade pontevedresa ata que a Xunta decidiu rectificar e recuperar o plan de ampliación de Montecelo dando carpetazo definitivo ao errado proxecto dun novo hospital con financiamento público-privado en Marcón.
Seis meses despois de chegar ao cargo, o conselleiro Vázquez Almuiña alegou que a "falta de consenso" sobre a proposta de Monte Carrasco presentada en 2009 obrigaba a retomar a ampliación das actuais instalacións.
Monte Carrasco quedou nunha maqueta, pero para o bautizado como "Gran Montecelo" tampouco hai moito máis que iso. Non hai aínda calendario nin orzamento.
O presidente da Xunta, Alberto Núñez Feijóo sinala o final da obra co do seu terceiro mandato no "horizonte do ano 20" e estima que se investirán uns 130 millóns de euros para construír un novo edificio a tres alturas na parte este do complexo e que estará conectado co resto do actual hospital.
A ampliación pasa por ser unha revisión do proxecto que formulou no seu día o bipartito do PSOE e o BNG na Xunta pero que o PP anulou ao recuperar o goberno galego tras cualificalo como un "parche" que non resolvería as carencias da sanidade local.
Nunhas semanas o Sergas comezará a elaboración do plan funcional, o documento marco onde se concretarán os servizos previstos no novo hospital, co número de camas e outros aspectos sanitarios básicos.
Tamén haberá que concretar o futuro do Hospital Provincial para o que Feijóo adiantou un "uso sociosanitario".
Relacionadas:
-
A Marea Branca cre que se manipulan os datos das listaxes de espera nos hospitais de Pontevedra
Por Anxo Lourido |
-
Seis alcaldes reclaman investimentos inmediatos para o Gran Hospital de Montecelo
Por Redacción | Creada e actualizada
-
Sanidade garante que o plan funcional do Gran Montecelo "no va a ser hecho desde un despacho"
Por Alejandro Espiño |
-
O Sergas reordenará os espazos de aparcamento no Hospital Provincial
Por Alejandro Espiño & Mónica Patxot |
-
Feijóo garante que o Gran Montecelo estará "terminado ou case terminado" en 2020
Por Alejandro Espiño |
-
O Gran Montecelo, o "compromiso irrenunciable" do PPdeG
Por Redacción |
-
Feijóo asegura que o Gran Montecelo "é o que a sanidade demandaba e os veciños merecían"
Por Alejandro Espiño & Mónica Patxot |
-
Sergas e Concello teñen xa listo o convenio para o "Gran Montecelo"
Por Alejandro Espiño |
-
Xunta e Concello alcanzan un acordo para ampliar o "Gran Montecelo"
Por Redacción |
-
Sanidade garante que o novo Montecelo será un hospital de xestión "100% pública"
Por Alejandro Espiño |
-
Adeus ao hospital de Monte Carrasco: a Xunta retoma a ampliación de Montecelo
Por Alejandro Espiño & Mónica Patxot |