Carlos Núñez celebra en Pontevedra os trinta anos de 'A Irmandade das Estrelas'

Unha noite para o recordo. Así foi o concerto co que Carlos Núñez quixo celebrar en Pontevedra o trinta aniversario do seu disco máis senlleiro, A Irmandade das Estrelas.

Aínda que o propio artista aseguraba días antes que tocar en Pontevedra polo Nadal "xa é unha tradición", desta vez foi todavía máis especial. Máis que un concerto foi toda unha experiencia.

O público, que encheu o patio de butacas do auditorio do Pazo da Cultura, gozou coa música do gaiteiro vigués, que estivo acompañado sobre o escenario por moitos amigos e amigas.

Así, entre outros, contou coa colaboración da Aula de Música tradicional da Universidade de Vigo e con numerosos músicos profesionais como María Sánchez ou Jon Pilatzke.

Con todos eles ao seu carón, Carlos Núñez logrou recrear un disco que, probablemente, logrou  mudar a percepción da música galega e o folk galego dentro do país e alén das nosas fronteiras.

A Irmandade das Estrelas, lanzado en 1996, foi moito máis que un debut. Foi unha declaración de intencións que levou a música celta galega máis aló das fronteiras coñecidas.

Con el logrou colaboracións con xigantes como The Chieftains, establecendo un diálogo musical que perdurou ata hoxe.

Esta cita musical puxo o broche de ouro a un ano moi intenso nas instalación culturais municipais de Pontevedra.