O festival Costa Feira terá segunda edición. Así o anunciaron os seus organizadores, que confirmaron que Sanxenxo volverá ser a sede dun evento que se celebrará de novo en pleno verán, entre os días 25 de xullo e 25 de agosto.
O obxectivo será volver reunir no seu escenario, no polígono de Nantes, a grandes nomes do panorama musical nacional e internacional.
E, para iso, Costa Feira desvelou o primeiro da súa longa lista de actuacións que prevé ofrecer durante a súa edición de 2024.
Hombres G, a mítica banda liderada por David Summers, ofrecerá en Sanxenxo o seu único concerto en Galicia. Será o sábado 3 de agosto.
Neste concerto, ademais dos seus temas máis coñecidos como Devuélveme a mi chica, Marta tiene un marcapasos, Voy a pasármelo bien ou ¿Por qué no ser amigos?, soarán cancións das súas dous últimos álbums de estudo, Resurrección e La esquina de Rowland, cos que regresaron aos escenarios.
As entradas para o concerto de Hombres G en Sanxenxo xa están á venda, a un prezo que oscila entre os 38 e os 90 euros, este último o custo dos pases premium.