É medio século encima das táboas, e iso nótase. Mocedades puxo fin aos concertos da Peregrina cun recital que congregou a varias xeracións de pontevedreses.
Todos eles encheron a Praza de España na última xornada das festas para escoitar o histórico grupo.
Mocedades repasou o máis selecto do seu repertorio, sen faltar temas como o xa mítico 'Eres tú', e fíxoo coa colaboración da Banda de Música de Salcedo.
Nesta xira, titulada 'Mocedades sinfónico', a formación vasca actúa acompañada por diferentes agrupacións musicais, como neste caso foi a banda pontevedresa.