O grupo vitoriano Soziedad Alkoholica inaugurou os concertos das Festas da Peregrina nunha aborratada Praza de España.
Os vascos repasaron os seus máis de 20 anos de traxectoria deixando a un lado a polémica dos últimos días, despois das queixas de colectivos como a Unión Federal de Policía e a Unión de Gardas Civís, ademais dun grupo de cidadáns que presentou un escrito ao Concello solicitando a suspensión do evento.
Estas asociacións argumentaban na súa protesta a letra das súas cancións "destila odio contra as forzas e corpos de seguridade e outros colectivos, como as victimas do terrorismo,".
A pesar desta circunstancia o concerto desenvolveuse con total normalidade para desfrute dos numerosos seguidores do grupo que estrearon os concertos da Praza de España.
Antes da actuación de Soziedad Alkoholika a banda local Vortex saltou ao escenario como 'telonera' para defender o que é o seu primeiro disco, titulado Confessions.
Os concertos da Peregrina continúan este domingo con Duncan Dhu, mentres o luns será a quenda de Love of Lesbian.