A Escola de Piragüismo Ciudad de Pontevedra pon punto e final a un ano de grandes éxitos. Para iso, reuníronse os deportistas da escola e demais personalidades da institución, este domingo no Peirao das Corbaceiras, para presentar oficialmente ao equipo da modalidade 'dragon boat'.
O acto celebrouse a partir das 10:00 horas en compañía de bo tempo.
A continuación, en torno ás 10:30, os compoñentes do grupo protagonista realizaron unha exhibición polas proximidades do peirao, con dous obxectivos.
En primeiro lugar, seguir achegando a cidade á modalidade de orixe asiática con máis de 2000 anos de antigüidade, e, por outra banda, dar a coñecer o conxunto que representará a Pontevedra en competicións nacionais, e que este verán xa conseguiu un terceiro posto no Campionato de España celebrado en Asturias.
Nas carreiras de Dragon Boat compiten embarcacións compostas por 12 ou 24 padeeiros e nas que case todos reman cara á meta. Case todos porque hai unha persoa, o temoneiro, que dirixe a embarcación desde a parte de atrás, e outra persoa que anima e marca as paladas desde a parte dianteira, impoñendo o ritmo con golpes de tambor.
Esta modalidade deportiva naceu, hai máis de 2.000 anos, polos pescadores que elixían o quinto día do quinto mes chinés, como un ofrecemento ao dragón, símbolo da auga. Ao longo destes anos foise modernizando nos seus materiais, aínda que se mantén o tradicional tambor e tamén a cabeza de dragón que decora as embarcacións. As distancias son 200, 500, 1.000 e 2.000 metros.
Así, o club comeza o novo ano con gran ilusión e coas esperanzas postas nos logros dos seus deportistas para poder continuar sendo un referente a nivel nacional.