Os afeccionados de Poio Pescamar e Marín Futsal non terán que facer moitos quilómetros para gozar da final da Copa Galicia á que se clasificaron os dous equipos.
O presidente da Deputación de Pontevedra, Luis López, confirmou este venres que o 'derbi dá ría' no que se decidirá o título autonómico xogarase no pavillón da Cidade Infantil de Príncipe Felipe, en Pontevedra.
A final disputarase o vindeiro Xoves Santo, día 28 de marzo, ás 12.00 horas e coas cámaras en directo da TVG2.
O Poio Pescamar e o Marín Futsal clasificáronse en febreiro para o partido polo título da Copa Galicia tras derrotar en semifinais respectivamente o Burela por penaltis e o FSF Castro.
De gañar sería a cuarta copa autonómica para o conxunto conserveiro, mentres que para o Marín Futsal supoñería estrear o seu palmarés.