Soria e Madrid foron este domingo as sedes das dúas finais da liga de clubs onde o equipo masculino da Gimnástica Pontevedra logrou a permanencia na liga Joma de División de Honra cun cuarto posto e 101 puntos e o feminino finalizou en última posición con 69,5 puntos no seu intento por ascender á máxima categoría nacional da liga Iberdrola.
O equipo masculino, en Soria, conseguiu catro triunfos, de de Manuel Anxo Simón en lanzamento de disco (54.48), Pablo Bocelo nos 1.500 m (4:08:41), Francisco López en 110 m valos (14.53) e Dani Chamosa en 5.00 m Marcha (19:42.13).
Tenerife CajaCanarias quedou en primeira posición con 122 puntos, Atletismo Numantino foi segundo con 106 puntos, os mesmos que o CAPEX, que foi terceiro; cuarta a Gimnástica, con 101, quinta AA Catalunha con 84,5; sexta a UCAM-Cartagena con 75; sétimo L'Hospitalet At. con 67,5 e último o CD Surco Lucena con 57 puntos.
Alcorcón con 113 puntos, e Tenerife CajaCanarias, con 104, son os equipos que ascenden a Liga Iberdrola. En terceira posición quedou o Celta, con 89 puntos, os mesmos que o Cornellà, seguidos da A.D. Marathon, con 86; a A.D. Sprint, con 84,5; a Juventud Atlética Elche, con 83 puntos, e finalmente a Sociedad Gimnástica Pontevedra, con 69,5.