O novo proxecto do Poio Pescamar empeza a tomar forma, aínda que antes de anunciar novos nomes o club comezou por despedirse das xogadores que non van continuar defendendo a súa camiseta.
Primeiro foi Silvia Aguete, toda unha institución no cadro conserveiro, e agora tocoulle a quenda a tres futbolistas máis.
Trátase de Antía Pérez, Mirian Ruiz e Clara Rodríguez.
Antía deixa o Poio Pescamar despois de tres tempadas marcadas polas dúas importantes lesións de xeonllo que non lle permitiron mostrar todo o seu potencial. Tamén Clara pasou pola mesma grave lesión, pero esta campaña tras superala converteuse nunha peza importante nos plans de Manu Cossío.
Pola súa banda Mirian pon fin á súa etapa na Seca despois de dúas campañas marcadas pola pandemia.
Tras estas saídas a entidade vermella avanza que anunciará renovacións e novas incorporacións "nos próximos días".