Xa é posible facerse cun dos dorsais dispoñibles para participar na XL San Silvestre de Pontevedra do próximo 31 de decembro.
A inscrición da popular proba deportiva, como cada ano, é de balde pero pídese colaborar achegando un quilo de alimentos non perecedoiros á hora de anotarse.
Serán como en pasadas edicións 7.000 os dorsais dispoñibles, ata esgotar existencias.
Durante os primeiros días, ata o 23 de decembro, as inscricións poderán formalizarse na tenda Miler da Rúa Peregrina de 10.30 a 13.30 horas e de 17.00 a 20.00 horas.
A partir de entón o lugar habilitado para recoller os dorsais será o número 1 da Rúa Castelao, de 10.30 a 13.30 horas e de 17.30 a 20.30 horas ata o 30 de decembro e o día 31 de 10.00 a 13.30 horas.