O boxeador marinense Aaron González continúa coa súa preparación de fronte ao campionato de España que se celebrará a próxima semana en Córdoba.
A súa última proba para esa cita, na que tratará de revalidar o título que peso welter, será este sábado no luxoso hotel Dome de Madrid.
Alí, o integrante do Team Thunder disputará os cuartos de final do torneo WBC José Sulaiman ante o boxeador madrileño Roberto Frade.
Será un rival de envergadura e que ofrece un boxeo de ritmo alto e constante, sen dar un paso atrás. O marinense terá que estar hábil na distancia e rápido nos contraataques se quere levar un difícil triunfo en casa do rival.
En caso de pasar de rolda, Aarón terá enfronte a un vello coñecido, xa que no outro lado do cruzamento de semifinais está o boxeador de Tomiño, Charly López.