Por primeira vez no que vai de tempada, un xogador do Pontevedra Club de Fútbol fíxose co MVP da xornada de Primeira RFEF.
Alain Ribeiro, co seu hat-trick fronte a Ponferradina, acaparou a gran maioría de apoios na votación aberta nas canles oficiais da competición.
O granate sumou o 62,9% dos votos para ser coroado como o mellor xogador da xornada 32 do campionato.
Superou de maneira ampla a Hugo González (Celta Fortuna - 14,17% dos votos), Joselillo (Vilarreal B - 14,17%) e Palacios (Real Madrid Castilla - 7,7%).
O triplete de Alain, que puido ser un póker de goles se non lle fose anulado outro tanto por fóra de xogo, supuxo o primeiro hat-trick dun xogador do Pontevedra desde que Rufo asinase o último en setembro do ano 2023.
A gran actuación do 6 granate foi compartida por parte da Primeira RFEF cun vídeo dos momentos que lle valeron para ser nomeado MVP.
⚽️⚽️⚽️
— Primera Federación Versus e-Learning (@Primera_RFEF) April 13, 2026
🦴 Pasarón tiene nuevo 𝗥𝗘𝗬.@97aribeiro ♥️ @PontevedraCFSAD#PrimeraFederación | #VersusELearning pic.twitter.com/jQzFXPNFxD
Engade Pontevedra Viva como fonte preferida de Google de balde
Mantente informado coas últimas noticias de actualidade.