Pontevedra seguirá contando cun árbitro na Primeira División do fútbol nacional, ao conseguir Alejandro Muñiz Ruiz a súa permanencia na máxima categoría.
Así se reflicte na listaxe de colexiados para as ligas profesionais para a campaña 22-23 publicado este luns polo Comité Técnico de Árbitros (CTA) da Real Federación Española de Fútbol, actualizado cos ascensos e descensos de categoría.
A boa noticia para a arbitraxe galega chega da man do coruñés Javier Iglesias Villanueva, que acompañará a Muñiz Ruiz na elite que compoñen os 20 árbitros de Primeira División.
OFICIAL | Estas son las plantillas arbitrales para la temporada 2022/23
— RFEF (@rfef) June 20, 2022
Primera División Masculina
Primera División Femenina
Segunda División Masculina
https://t.co/EL5w4ahMVE pic.twitter.com/GJYqQBSrhA
Os que causan baixa na principal categoría do fútbol nacional son Jaime Latre (Aragón) e Cordero Vega (Cantabria).
No seu primeiro ano na elite, Muñiz dirixiu un total de 19 partidos, xunto a súa presenza noutros encontros como parte do equipo de vídeo-arbitraxe, cunha media de 5,35 tarxetas amarelas mostradas por encontro e de 0,40 expulsións.