O Club Natación Galaico estará representado no próximo Campionato de España de Inverno en Piscina Curta, que se celebrará entre o 29 de novembro e o 1 de decembro en Castellón.
Alí estarán Bea Gómez, Iria García e Paula Goyanes, xunto ao adestrador Álvaro Reiriz.
Bea será a nadadora que competirá nun maior número de disciplinas, estando inscrita para os 400 libres e estilos, os 200 libres, braza e estilos e os 100 libres.
Pola súa banda Iria García participará nos 1500, 800 e 400 libres e Paula Goyanes nadará os 200 estilos.