Silvia Aguete xa ten sucesora como mellor gardameta de fútbol sala do Mundo, tras a resolución este martes dos Futsalplanet Awards 2020.
Na lista das dez nomeadas atopábase a súa compañeira no Poio Pescamar, a andaluza Caridad García, e o certo é que na súa primeira aparición como finalista logrou un importante número de votos.
Caridad concluíu na cuarta posición con 346 puntos, por diante da outra representante española, Marta Balbuena (313 puntos) e só superada por tres xogadoras.
A máis votada e por tanto sucesora de Silvia é a portuguesa Ana Catarina Silva (450 puntos), superando na lista ás brasileiras Ana Carolina Caliari (433 puntos) e Patricia Moraes 'Giga' (352 puntos), segunda e terceira respectivamente.
Unha cuarta posición que premia a espectacular progresión da arqueira do Poio Pescamar, que aos seus 21 anos converteuse nunha peza indispensable no conxunto conserveiro e que ten o futuro aos seus pés.