O Club Baloncesto Arxil e o Cortegada veranse as caras este sábado por segunda vez na tempada, despois de enfrontarse na Copa Galicia o pasado mes de setembro.
O Pavillón de Fontecarmoa 2 acollerá o derbi provincial a partir das 19:30 horas, onde as verdes buscarán deixar atrás o mal inicio de liga tras caer ante o Miralvalle na prórroga, e as de Vilagarcía tentarán prolongar a súa boa serie e sumar o seu segundo triunfo consecutivo.
Desde o conxunto pontevedrés son conscientes da dificultade do encontro, xa que o seu rival desta fin de semana sufriu unha gran variación respecto a a tempada pasada para confeccionar "un plantel moi uniforme".
Por ese motivo, as claves para que o Arxil some algo positivo serán a solidariedade defensiva, estar atentas nos rebotes e xogar ao seu ritmo en ataque, pero dando, en todo caso, "o 200%" e así poder "mellorar sensacións e seguir crecendo como equipo.
Para este enfrontamento, Mayte Méndez recupera á capitá María Lago; a Nena, que non xogou o encontro de Copa; a Lara; e á xogadora do B Marta Maestro, que xa está dinámica de Liga 2.