Cuarta baixa confirmada na Sociedad Deportiva Teucro, a pesar da intención de seguir contando con boa parte do plantel da última campaña.
O xogador que non continuará defendendo a elástica teucrista é Cristian Remeseiro, ao non aceptar a proposta de renovación que lle presentou a xunta xestora "por motivos laborais", confirma o club pontevedrés.
Baja | Cristian Remedeiro no continuará en la plantilla de #DHPlatamasc 21|22.
(@sdteucro) July 22, 2021
El Ext Izq no aceptó la oferta de renovación propuesta por el club por motivos laborales.
Desde las SD Teucro te deseamos la mejor de las suertes en los proyectos que emprendas.#siempreazuis pic.twitter.com/YxKxGPdI5b
O extremo abandona desta forma a entidade teucrista despois de catro anos, tras chegar en idade xuvenil e ir ascendendo banzos ata asentarse o último curso no primeiro equipo na División de Honra Prata.
Remeseiro únese desta forma a unha lista de saídas na que xa figuraban Fede Wermbter, Samu Pereiro e o canteirán David Rey.
Polo momento o Teucro confirmou oito xogadores para o seu novo proxecto deportivo, coas renovacións de Caue Herrera, Ricardo González, Miguel Sío, Alejandro Gómez, Víctor Deco, Iago Rodríguez e Pedro Sánchez e a fichaxe do gardameta alemán Joshua Rau.