A Segunda División B de fútbol sala arrancará o próximo 19 de setembro e farao con partido de rivalidade entre ADFS Bueu e Leis Pontevedra.
O choque entre ambos os dous equipos disputarase no Pavillón Pablo Herbello de Bueu, mentres a segunda volta se iniciará en Pontevedra o 23 de xaneiro.
Tras a estrea ligueira, o Leis recibirá na casa o Noia e o Bueu protagonizará o seu primeiro desprazamento visitando o Ventorrilo.
A competición concluirá o 14 de maio na casa para os de Javi Santos, cun Bueu-O Esteo, mentres os pontevedreses visitarán un dos favoritos ao título, o Mosteiro Bembrive vigués.
Consulta o calendario completo da competición.
FICHAXES
Nas últimas horas o Leis anunciou a incorporación de Martín Rodriguez, ala zurdo que a pasada campaña xogou no Baiña FS de Baiona e o Pizarras Tres Cuñados FS.
Pola súa banda no Bueu Javi Santos segue pendente de pechar a continuidade de Víctor Méndez e Samu.