Traballado triunfo do Club Baloncesto Arxil para depedir a tempada na Liga Feminina 2. As verdes venceron ao Universidad de Oviedo (68-61) e conclúen a competición na sexta praza.
As verdes encomendáronse ao acerto anotador de tres das súas xogadoras, Arantxa Mallou (20 puntos), Ana Román (17) e María Lago (15) para dominar nun encontro de gran intensidade defensiva.
O partido estivo tremendamente igualado no primeiro cuarto (14-13) e ata o descanso (35-33), pero todo cambiou a partir do terceiro parcial, no que o Arxil empezou a fraguar a vitoria coa defensa (53-46).
Faltaban dez minutos pero as locais controlaron con acerto o choque para asegurarse o triunfo e despedir a liga con bo sabor de boca.
Consulta aquí as estatísticas do Arxil-Universidad de Oviedo.