Ambiente de gala na area da praia de Silgar no arranque da liga Europea de Fútbol Praia, que reune en Sanxenxo a 13 seleccións nacionais durante toda a fin de semana.
O partido entre Inglaterra e Andorra inaugurou a competición, con saque de honra incluída do vicepresidente da Xunta de Galicia, Alfonso Rueda, acompañado do presidente da Federación Galega de Fñutbol, Rafael Louzán, e o vicepresidente adxunto de Beach Soccer Worldwide, Gabino Renais.
O ambiente no estadio instalado no medio da praia de Silgar foi 'in crescendo' co paso dos partidos ata o choque grande da primeira xornada, o último, entre España e Romanía.
A selección nacional, que chega a Sanxenxo tras impoñerse na primeira etapa da liga Europea en Moscova, demostrou o seu gran estado de forma ao gañar por un claro 7-2.
O galego Kuman abriría o marcador para os españois cando só se xogaran tres minutos, e Antonio golpearía de novo, aos poucos segundos, encarrilando o encontro ao pouco de empezar co 3-0 antes do fin do primeiro período, para goce dos afeccionados presentes. Aínda que Romanía tentou recortar distancias, os locais mostráronse superiores ao seu rival en todo momento.
España, líder do seu grupo empatado a puntos con Rumanñia, pechará tamén a segunda xornada este sábado ante Francia (19:15 horas, en directo por GolTV).