O Arosa vaise ao parón de Nadal coa sensación de perder dous puntos ante o Alondras. O equipo arlequinado, a pesar de non estar ben na primeira parte, tivo opcións para matar o partido e facerse co triunfo.
Non houbo goles na primeira parte, polo que Luisito aproveitou o descanso para mover ficha e dar entrada a Marcos Mella para así revolucionar o encontro.
De feito, no primeiro balón que tocou, o enchufó no interior da rede anotando un auténtico golazo para subir o 0-1 no luminoso.
Sen apenas tempo para dixerir o tanto, chegou a reacción dos do Morrazo tras un erro en defensa que aproveitou Mauro Nores para devolver a igualdade.
Asediou tras o empate o Arosa a portería de Dani Ruiz cun traveseiro e outra clara ocasión de Martín Diz coa que puido sentenciar, pero o balón non quixo entrar.
Vaise desta forma o equipo de Vilagarcía ás vacacións do Nadal en sétima posición con 21 puntos e a dez do líder Bergantiños.
Consulta o acta nesta ligazón