Título nacional para o Grupo Deportivo Supermercados Froiz no Campionato de España de Ciclocrós celebrado nas Pontes.
O seu corredor Miguel Rodríguez foi un dos grandes protagonistas da última xornada do campionato, ao dominar con moita autoridade a carreira de categoría sub-23.
Rodríguez fora medalla de bronce en 2022 e prata en 2023.
Faltáballe un ouro que conseguiu no embarrado circutio das Pontes sen discusión.
Desde a primeira do cinco voltas tomou o mando e na segunda delas distanciouse dos seus perseguidores.
Venceu finalmente con 1 minuto e 15 segundos de vantaxe sobre o seu compañeiro de equipo, o valenciano Raúl Mira, con Gorka Corres na terceira posición.
Na proba feminina Aroa Otero conseguiu o mellor resultado galego ao ser a quinta mellor sub-23 e novena na xeral, a pesar de non ter o seu mellor día.
Non puido completar os bos resultados do Froiz Gonzalo Inguanzo, afectado por avarías mecánicas.