Foi a última incorporación do mercado invernal de fichaxes, xa fóra de prazo e tras a operación frustrada con Fede Vico, e tras debutar na última xornada de liga en Pamplona este mércores foi presentado de maneira oficial como novo xogador do Pontevedra Club de Fútbol.
Facu Ballardo mostrouse "moi contento de estar acá", asegurando que chegou á entidade granate en bo estado físico.
"Non tiña club pero fun profesional, adestrei, coideime e grazas a iso tamén teño a posibilidade de poder chegar, de estar cos compañeiros", explicou.
Un punto importante para a súa fichaxe foi a presenza como adestrador dun Rubén Domínguez co que coincidiu na súa etapa no Ourense CF.
"A Rubén e ao corpo técnico coñézoo e por iso foi tamén unha decisión que non o pensei cando se abriu a posibilidade de chegar ao club, vin de cabeza", asegura.
Para os que non lle coñezan como futbolista "nas tres posicións do medio sinto cómodo, de pivote, de interior, de dobre pivote é un pouco en función do que necesite o técnico", afirmou a preguntas dos xornalistas desde a sala de prensa do Estadio Municipal de Pasarón.
En canto ao que lle pide Rubén Domínguez, "pediume traballo e compromiso", revela.
Ballardo analizou ademais unha Primeira RFEF na que debuta e que "é unha liga complicada, pero a verdade que ao equipo véxoo ben, véxoo con ambición e véxoo nunha postivición privilexiada. Agora queda o mellor".
Engade Pontevedra Viva como fonte preferida de Google de balde
Mantente informado coas últimas noticias de actualidade.