A cuarta edición do Torneo de Reis de fútbol sala organizado polo Leis Pontevedra enche de actividade desde este martes os pavillóns da cidade.
O Municipal, Multiusos e A Xunqueira II comezaron desde ben cedo a recibir aos preto de 600 deportistas de 50 equipos galegos que participan no torneo.
Os partidos dispútanse sen descanso e para todas as categorías de base, desde a idade prebenxamín ata a xuvenil.
O IV Torneo de Reyes de fútbol sala vivirá este mércores 4 de xaneiro a súa última xornada coa disputa das roldas finais de cada categoría.