Fin de semana especial para o Club Natación Galaico.
Foi a estrea de dúas das súas nadadoras no circuíto internacional de augas abertas, ao competir na proba da Copa do Mundo celebrada en Eivissa.
Trátase de Sofía Barros e Alba Castro, protagonizando ambas as un gran papel.
"Desde o club estamos moi orgullosos das nosas nadadoras nesta primeira experiencia de tantísimo nivel nacional e internacional", aseguran desde o Galaico.
En concreto os mellores resultados chegaron no novo formato de 'Knock-Out', unha proba tres nun, en distancia de 3.000 metros pero partido en 1.500, 1.000 e 500 metros con roldas eliminatorias.
Nesta proba Sofía Barros (en categoría júnior) e Alba Castro (infantil), conseguiron o pase a fase semifinal cos postos 4 e 17 respectivamente das súas categorías.
Xa na rolda dos 1.000 metros, tras un descanso de só 20 minutos, Sofía logrou ser sétima coándose na final, o que non puido conseguir Alba ao ser 19ª.
A final constou dun percorrido de 500 metros cun pequeno descanso de 10 minutos no que Sofía Barros finalizou novena, e como sétima mellor española.
Ademais Alba Castro competiu tamén na proba de 5 quilómetros, pero cambras no seu ombreiro obrigáronlle a retirarse da competición.