O agarimo ao Pontevedra Club de Fútbol transmítese mesmo desde o berce.
É o que lle sucedeu ao socio máis novo da entidade granate, incrito o pasado 29 de decembro como abonado con só dous días de vida.
Trátase, segundo revelou o Pontevedra, de Martín Fernández Caneda, cuxo primeiro carné conta co número de socio 2.817.
Martín é a terceira xeración de socios granates na súa familia, e é que ademais de irmán é fillo e neto de abonados.
"Toda a familia do PCF felicita a Martín e a súa familia e se enorgullece de poder seguir contando coa fidelidade desas tres xeracións", sinalou o club pontevedrés para dar a benvida ao novo integrante da súa comunidade.