A xornada 23 de liga en Primeira RFEF desvelou este xoves os seus horarios.
Será o próximo encontro na casa para o Pontevedra Club de Fútbol, que afronta agora dúas saídas consecutivas, nun duelo ademais dos máis rechamantes da tempada.
Será a visita do Real Madrid Castilla ao Estadio Municipal de Pasarón, o actual cuarto clasificado da táboa.
O duelo fronte ao filial madridista disputarase o domingo 8 de febreiro ás 12.00 horas.
Será por tanto a segunda vez esta tempada que os afeccionados granates acudan a Pasarón en horario matinal, tras o duelo contra o Talavera da sexta xornada.
O choque será ofrecido ademais pola canle lineal televisivo das principais plataformas audiovisuais.
Antes desa cita, o Pontevedra medirase este venres 23 de xaneiro ao Mérida a domicilio (21.15 horas) e visitará o sábado 31 de xaneiro o Talavera (16.15 horas).