Segundo día de competición e segundo cheo no Complexo Deportivo Rías do Sur de Ponte Muíños, que acolle ata o domingo o Campionato de España Infantil e Júnior de natación.
Os mozos deportistas protagonizaron unha intensa xornada, dividida de novo entre as preliminares da mañá e as finais da quenda de tarde.
En canto á representación local, os nadadores do Galaico quedaron lonxe das medallas, cun Juan David Hernández que en categoría infantil finalizou nos postos 29 e 38 respectivamente nos 200 braza e os 400 estilos, sen poder meterse nas series finais.
Pola súa parte Inés Gómez, Águeda Cons e Lara Gómez Cortés nadaron os 800 libres.
As dúas primeiras, aínda en idade infantil, lograron o décimo terceiro e décimo noveno posto respectivamente, mentres Lara clasificou no posto 21 entre as júnior.